Sicilia bedda mia

Sicilia mia
terra d'amuri,
ti fici bedda
nostru Signuri.
'Mmenzu a lu mari
comu na perla,
sutta a stu celu
comu na stidda.
Quanta amarizza
'nta lu to cori
pi tanti figghi
senza avviniri;
vannu luntanu
pi travagghiari,
ma a tia,
sempri,
hannu u pinzeri.
Ci manca u profumu
da terra e di ciuri,
ci manca lu suli
cu lu so caluri.
Stari un ponnu
luntanu di tia
Sicilia bedda...
Sicilia mia 🍋🌊☀️